Të gjitha ne femrave na ndodh që ta kurojmë më shumë pamjen tonë të jashtme kur jemi me grip, në mënyrë që të mos kemi një pamje ndryshe nga ajo që jemi mësuar të kemi çdo ditë. Edhe pse kur mendojmë që pas një teshtime, apo lotim sysh gjithë mundi ynë për tu dukur sa më perfekte shkon dëm.
Deri këtu gjithçka duket në rregull, por pasi kalon gripi shtrohet pyetja se a duhet t’i përdorim më ato produkte kozmetike që kemi përdorur gjatë kësaj periudhe.
Sipas Morgan Statt, që është një nga dermatologet më të njohura në SHBA, pasi ju keni kaluar gripin, nuk duhet të përdorni më buzëkuqin ose çdo lloj produkti tjetër për buzët që përdorët edhe gjatë kohës që ishit sëmurë sepse kështu do ju rikthehet virusi edhe një herë.
Me shumë mundësi bulëza të pështymës suaj, janë bërë tashmë pjesë e produktit dhe ato ta rishpërndajnë edhe një herë nga e para virusin. Kjo do të thotë që kur e kuptoni se është duke iu zënë gripi duhet të jeni më të kujdesshëm për të përdorur produkte specifike, të cilat nuk do t’i përdorni më pasi të keni kaluar sëmundjen, sidomos kur bëhet fjalë për produktet që kanë kontakt direkt me buzët. Gjithashtu edhe me lapsin e syve duhet të keni kujdes sepse infeksioni që keni pasur në sy mund të ripërsëritet.
