Kritikat e përdoruesve të internetit për operacionet plastike janë të shpeshta. Duke u kthyer në një fenomen të “jonatyrale”, shpesh shumë prej fansave bëjnë akuza të cilat mund të jenë të pavërteta dhe ofenduese për personin në shënjestër.
As vajza e zëvendëskryeministrit, Niko Peleshi, Aleksia nuk u shpëtoi akuzave në rrjetet sociale për ndërhyrjet estetike.
Ajo postoi në “Instagram” një foto, ku disa persona e kritikojnë se ka bërë operacion plastik në buzë, ndërsa të tjerë komentojnë “shumë botoks”.
Por 14-vjeçarja vendosi që t’i kthente një përgjigje të gjitha akuzave nga ata persona që dyshojnë te pamja e saj origjinale:
“Fakti që akuzohem kaq shumë për ndërhyrje plastike më duket i sëmurë. Për të disatën herë e përsëris që jam vetëm 14 vjeçe dhe nuk besoj se ka prind apo doktor në botë që lejon një 14vjeçare të bëjë operacione plastike. Pavarësisht se më pëlqeni ose jo, është zgjedhja juaj dhe unë e respektoj, por nuk mund të dilni në përfundime se “është artificiale”, “është e gjitha plastike” pa pasur fakte dhe pa arsyetuar. Shpresoj të jeni të ndërgjegjshëm për injorancën tuaj”.
Aleksia është vajza e madhe e politikanit 46vjeçar, që erdhi nga martesa me Amardën, me të cilën ka edhe dy djem, Stivin dhe Johanin.
Burimi: Instagram/ Iconstyle
