Ndërsa pritej që “Arena Kombëtare” të ishte gati në fund të vitit që lamë pas, punimet ende vazhdojnë.
Ndërsa në vjeshtën e 2018-s u njoftua se punimet po vijonin me ritme të larta, stadiumi më i ri është ende larg përfundimit.
Një foto e siguruar nga “iconstyle.al” e publikuar në Instagram, zbulon pamjet e sotme të “Arenës Kombëtare”.
Nga fotoja kuptojmë që ka përfunduar vendosja e pjesës metalike e mbulesës së tribunave, ndërsa po punohet me instalimet elektrike dhe hidraulike.
Në nëntor të 2018-s Federata Shqiptare e Futbollit bëri me dije se, u vu në pikëpyetje përfundimi i ndërtimit të stadiumit, pasi Komisioni i Apelit refuzoi që të rimbursonte TVSH-në për investimin e kryer nga institucioni sportiv për stadiumin.
Impianti me kapacitet 22 mijë vendesh pritet të përfundojë plotësisht gjatë tremujorit të parë të këtij viti.
*Emri i profilit nuk publikohet për arsye privatësie.
Burimi: Instagram