Një tender për organizimin e një dreke me rastin e shpalljes së Pëllumb Piperos “Qytetar Nderi”, po hapet nga Bashkia e Skraparit.
Kjo e fundit ka shpallur ftesën për ofertë për të gjithë të interesuarit që duan të vlerësojnë mjekun për kontributin e tij gjatë luftës ndaj pandemisë në vend.
Dreka propozohet të mbahet për 60 persona, me 3 pjata, fruta dhe pijet e përfshira.
Mjeku Pipero u shpall “Qytetar Nderi” i Skraparit më 28 maj me propozim të kryetarit të Bashkisë Skrapar, Adriatik Mema.
Titulli u dha me motivacionin “Për veprimtari të shquar profesionale dhe akademike gjatë karrierës së tij në fushën e mjekësisë, veçanërisht në atë të sëmundjeve infektive, si dhe për kontributin e çmuar profesional dhe publik ne përballimin e situatës së pandemisë të shkaktuar nga Covid-19”.
Tenderi do të zhvillohet më 11.06.2020, në orën 10:30.
/Shqiptarja
