Një ngjarje e rëndë ndodhi ditën e sotme në Lushnjë, ku babai 82-vjeçar Behar Musaku plagosi në bark vajzën e tij, e më pas kreu vetëvrasje.
40-vjeçarja, Rudina Musaku është në gjendje të rëndë shëndetësore dhe për këtë arsye ajo është nisur drejt Spitalit të Traumës në Tiranë, për mjekim më të specializuar.
Sakaq një i afërm i familjes ka treguar për “Top Channel” se 40-vjeçarja ishte e divorcuar, ndërsa fëmijët qëndronin me babain e tyre.
“Se si kanë qenë ata nuk e di. Vajza ishte e divorcuar, fëmijët i kishte mbajtur dhëndri. Vajza jetonte vetëm në Tiranë. Unë e kam baxhanak. Nuk e di si i kanë pasur rrethanat. Nuk kanë pasur më parë probleme”, tha i afërmi i familjes.
