Neli Lleshi është 28-vjeçarja dhe e vetmja kameramane e “Top Channel” e cila u përplas teksa kthehej për në shtëpi nga fuoristrada që drejtonte Jurgen Çela në gjendje të dehur i cili ishte në kundravajtje në rrugën e Durrësit.
Pasi e ka përplasur me automjetin e tij, ku po udhëtonin disa të rinj, Jurgen Çela është larguar nga vendngjarja duke e lënë Nelin të plagosur në vend.
Ngjarja ka ndodhur përpara 5 ditësh, e ndërsa në një intervistë që e ëma e Nelit ka zhvilluar pas kësaj ngjarjeje ka treguar se asnjë nga familjarët e të riut që përplasi vajzën nuk ka shkuar për t’u interesuar për gjendjen e Nelit.
Nga goditja e fortë, 28-vjeçarja ka pësuar thyerje të brinjës së legenit, femurit dhe shembje të brendshme. Teksa u mbajt me qetësues për disa kohë, ajo u nis për në Greqi për mjekim më të specializuar.
Familjarët kanë treguar se Neli ka thyer edhe gjurin dhe dyshimet e mjekëve janë se ajo mund të ketë thyer edhe kockat e kraharorit.
Për të vijuar me operacionet me anestezi, mjekët i kanë hequr morfinën për pak kohë pasi gjaku i saj duhet pastruar.
Por kjo i ka shkaktuar edhe më tepër dhimbje pasi qetësuesit që po merr për momentin s’japin të njëjtin efekt me morfinën.
Gjithashtu një “GoFound” është hapur për Nelin, kameramane në profesion, teksa nga 700 dhurues janë mbledhur 25.507$ prej shumës totale 70.000$ të cilat nevojiten për ndërhyrjet për të shpëtuar jetën e Nelit.
