Mbrëmjen e djeshme një 50-vjeçare ndërroi jetë në spitalin e Korçës.
Menjëherë u ngritën dyshimet për koronavirus, pasi gruaja kishte shfaqur probleme me frymëmarrjen
Analizat për 50-vjeçaren rezultuan negative raporton “Top Channel”.
Tashmë është e konfirmuar se gruaja ishte e prekur nga gripi sezonal.
Mësohet se ajo vuante prej kohësh nga diabeti.
Në vendin tonë nuk ka ende asnjë të infektuar me koronavirus.
Ndërsa vendet tona fqinje po përballen me një situatë të vështirë, ku Italia numëron 107 viktima, ndërsa në Greqi është shënuar rasti i dhjetë.
