Një ngjarje e rëndë ka ndodhur pasditen e sotme në fshatin Kamenicë të Korçës. Pas një debati për motive të dobëta, vjehrri ka goditur me sende të forta ish-dhëndrin e tij, me inicialet S.M.
Pas goditjeve të shumta që ka marrë 25-vjeçari është transportuar me urgjencë për në Spitalin e Korçës, ndërsa ish-vjehrri i tij, shtetasi Nizami Bezati është shoqëruar në Komisariatin e policisë së Korçës.
Mësohet se 25-vjeçari është në gjende të rëndë shëndetësore dhe po merr kujdesin e nevojshëm mjekësor.
Ende nuk dihen motivet e ngjarjes, por dyshohet se prishja e lidhjes me vajzën e 54-vjeçarit dhe konfliktet e lindura pas ndarjes janë shkaku i përplasjes mes tyre.
Ndërkohë policia po vijon hetimet për zbardhjen e plotë të ngjarjes.
Burimi: Balkanweb
