Një ngjarje e rëndë është regjistruar në Maliq, ku dyshohet se një e mitur 16-vjeçare është abuzuar seksualisht prej disa muajsh nga dy persona.
Dyshohet se 26-vjeçari Marsel Baçi e shfrytëzonte për prostitucion të miturën, duke e kërcënuar vazhdimisht. Nga ana tjetër, 41-vjeçari Selam Hyka dyshohet se ka kryer marrëdhënie me dhunë me të miturën. Të dy këta persona janë arrestuar pas denoncimit të nënës së vajzës.
Ka qenë nëna e të miturës që ka bërë denoncimin në polici pasi e bija i kishte treguar gjithçka. Ajo tregon se vajza kishte menduar dhe vetëvrasjen pasi një nga abuzuesit e kërcënonte. Në lidhje me ngjarjen janë arrestuar dy autorët e dyshuar, një 41 dhe 26-vjeçar.
“Më tha një grua në fshat që iku me motor. Ajo nuk më tregonte se i ka thënë ai mos trego. E ka kërcënuar. Më tha vajza që do mbytem, i thashë çfarë bëre ti që të mbytesh. E gënjente ai, unë e çoja në shkollë ai e merrte me motor.
E pashë që vinte këtej lart dhe i thashë mos hajde më. Më tha që më ngacmonte gjithmonë. Vinin e këta nga Podgoria me motor. S’kam njeri tjetër, jetoj vetëm me mamanë. Vajza është në Tiranë, do vazhdojë shkollën atje. Do ta çonin te doktoresha.”– tha nëna.
Dy të arrestuarit ndodhen në drejtorinë vendore të policisë së Korçës, ndërsa vijojnë hetimet për të zbardhur rrethanat e ngjarjes dhe nëse ka persona të tjerë të përfshirë.
