Vera dhe pushimet shkojnë bashkë, si plazhi dhe pina colada . Po për fat të keq, ashtu si temperaturat e larta rriten edhe çmimet, bëhen të larta.
Kjo gjë pengon udhëtimet tuaja, duke vënë një faturë të papërballueshme për pushimet tuaja.
Por mos u dekurajoni sepse me këto mënyra ju mund të përfitoni ulje dhe të bëni pushimet eëndërruara duke fluturuar më lirë.
1.Bëni sa më shpejt planin e udhëtimit
Jepini vetes shumë kohë për të gjetur udhëtimet më të mira. Tom Spagnola, një ekspert udhëtimesh këshillon udhëtarët të bëjnë planet e tyre të pushimeve verore sa më parë që të jetë e mundur, pasi në kulmin e sezonit biletat janë të gjitha të shitura, sidomos fundjavave.
Planifikimi i hershëm do të ju japë shansin për të gjetur çmimet më të ulta, pasi do të ketë më shumë vende në dispozicion.
2.Shikoni destinacionet më të afërta
Spagnola gjithashtu rekomandon që të shikoni në aeroportet më të afërta kur të rezervoni biletën tuaj, veçanërisht në kontinente si Evropa ku të gjitha vendet janë afër dhe lehtësisht të arritshme me tren. Destinacioni juaj mund të jetë një orë larg, por ndryshimi i çmimeve mund të jetë dramatik.
3.Jini fleksibël me datat
Duke qenë fleksibël hapen disa opsione të ndryshme të çmimeve për klientët që ende po kërkojnë të udhëtojnë këtë verë.
Kthejeni opsionin “fleksibël” në kërkimin tuaj dhe mund të gjeni dallime thelbësore në çmime thjesht duke ndryshuar datën e mbërritjes ose nisjes për një ose dy ditë.
4.Shmangni udhëtimin në fundjavë
Udhëtimet e fundjavave janë udhëtimet rekord në sezonin e pushimeve. Pra, për të shmangur çmimet e larta shmangni ditët e udhëtimit të pikut dhe përpiquni të fluturoni brenda javës.
5.Shikoni biletat ekonomike
Një tjetër mundësi për të gjetur vende të lira është të përfitosh nga çmimet e biletave ekonomike bazë të skontuara që ofrojnë shumë transportues të mëdhenj në fluturimet ndërkombëtare.
Mbase do të humbisni ndonjë qese të vogël ose nuk do të keni privilegjin të zgjidhni vendin e preferuar, por këto bileta shiten me kosto të ulët.
