Një reper kanadez është ndarë nga jeta pasi u rrëzua nga krahu i një aeroplani ndërsa filmonte një video të guximshme për klipin e ri muzikor.
Jon James McMurray, 34 vjeç, vdiq në mënyrë tragjike në British Columbia të shtunën.
Reperi i cili njihet thjesht si Jon James, po bënte një lëvizje të rrezikshme në krahun e aeroplanit kur papritur u rrëzua.
Ai kishte një parashutë në atë kohë, por nuk pati kohë ta tërhiqte, sepse qëndroi në krahun e aeroplanit për një kohë të gjatë.
Në momentin kur e lëshoi aeroplanin Jon ishte shumë afër tokës dhe u përplas për vdekje.
Ekipi i tij i menaxhimit tha se reperi ishte përgatitur me muaj të tërë për këtë gjë dhe ishte trajnuar ‘intensivisht’.
Trupi i Jon u gjet në një fushë nga fermerja Sydney Fox. Ajo tha për “Global News” se e dëgjoi avionin duke fluturuar sipër shtëpisë së saj vetëm pak çaste para se të shihte reperin e pajetë.
Jon fillimisht ishte një skiator profesionist, por e ktheu fokusin e tij në muzikë pas një aksidenti me ski disa vite më parë.
