Një ngjarje tragjike ka ndodhur në Hamburg të Gjermanisë, ku 4 shqiptarë kanë humbur jetën teksa punonin në një kantier ndërtimi.
Ngjarja ka ndodhur ditën e djeshme në zonën e quajtur ‘Hafen City’. Skela ku shqiptarët po punonin u shkëput nga kati i 8-të në një bosht ashensori.
Deri më tani është bërë i mundur identifikimi i dy prej tyre, përkatësisht me emrat Albert Zorba, 31-vjeçari nga Elbasani, dhe R.H., nga Kukësi.
Vëllai i të ndjerit Zorba ndodhet i burgosur në Angli, ndërsa i ati i moshuar ka mbërritur në Hamburg.
Fillimisht u raportua se viktimat ishin bullgarë, por policia gjermane sqaroi më vonë se ishin shtetas shqiptarë.
