Një tjetër ngjarje e rëndë është regjistruar pasditen e sotme në Tiranë. Një 68-vjeçare ka humbur kontrollin teksa ishte duke pastruar dritaret e banesës dhe është rrëzuar nga kati i 6-të. Si pasojë e lëndimeve të marra ajo ka ndërruar jetë.
Tiranë/Informacion paraprak
Më datë 15.08.2024, në kryqëzimin e rrugës “Medar Shtylla” me rrugën “Sulejman Delvina”, shtetasja M. S., rreth 68 vjeçe, duke pastruar dritaren e banesës së saj, dyshohet se aksidentalisht është rrëzuar dhe ka rënë nga lartësia e katit të 6-të. Si pasojë e dëmtimeve të marra, kjo shtetase ka humbur jetën.
Grupi hetimor po punon për sqarimin e rrethanave të ngjarjes.
Rikujtojmë që ky është rasti i dytë për ditën e sotme. Gjatë mesditës një tjetër e re u hodh nga kati i 5-të i pallatit, teksa dyshohet se vuante nga probleme të shëndetit mendor. Kliko këtu
