Një tjetër gafë është gjetur në tekstet shkollore, këtë herë në lëndën e “Diturisë” së klasës së pestë.
Në një temë të “Diturisë” ku flitet për vullkanet, autorët e tekstit “Oqeanin Paqësor” e quajnë “Oqeani i Qetë”. Skandali i librit shkollor u denoncua nga koordinatorja e Partisë Demokratike, Reila Bozdo.
“Oqeani i Qetë?! Që kur Paqësori quhet i Qetë?!”, shkruan Bozdo në mbishkrimin e fotos së publikuar në “Instagram”.
Ashtu siç është mësuar në tekstet e mëparshme të shkollës ndër vite apo siç mund ta gjeni edhe në internet, “Oqeani Paqësor” e ka marrë emrin për shkak të rrymave të qeta detare nga të cilat karakterizohej.
Gafat apo përmbajtjet e çuditshme në tekstet shkollore janë denoncuar prej kohësh, ndërsa kujtojmë rastet e fundit kur Noizy apo Stresi janë bërë pjesë e mësimit.
Burimi: NewsBomb
