Timothée Chalamet dhe Kylie Jenner tërhoqën vëmendjen në daljen e tyre të dytë zyrtare në tapet të kuq, këtë herë në premierën e filmit të ri Marty Supreme në Los Angeles më 8 dhjetor. Çifti, i cili zakonisht ruan privatësinë, u shfaq me veshje të personalizuara nga Chrome Hearts, duke konfirmuar edhe një herë aftësinë e tyre për të kthyer çdo paraqitje në një moment mode.
Chalamet, 29 vjeç, zgjodhi një kostum lëkure portokalli me shkëlqim, të kombinuar me një këmishë mëndafshi dhe çizme në të njëjtën ngjyrë. Aksesorët bënë diferencën, sidomos çanta e zezë për raketë pingpongu, një detaj unik që i dha pamjes një nuancë të paparashikueshme.
Kylie Jenner, 28 vjeçe, u shfaq po aq vezulluese me një fustan të gjatë portokalli me prerje gjeometrike në bel dhe nën bust. Dekolteja e thellë ishte zbukuruar me detaje kryqi, të cilat u reflektuan edhe në varësen e saj. E gjithë pamja, nga takat e mprehta portokalli te manikyri dhe nuancat e përziera portokalli-rozë në grim, krijonte një harmoni të plotë.
Kjo është vetëm shfaqja e dytë e çiftit në tapet të kuq, pas debutimit të tyre në maj në Romë gjatë çmimeve David Di Donatello. Megjithatë, Jenner ka qenë prej kohësh mbështetje në ngjarjet kryesore ku Chalamet është nominuar për rolin e tij si Bob Dylan.
Marty Supreme pritet të dalë në kinema më 25 dhjetor, ndërsa paraqitja e tyre e fundit konfirmon edhe një herë statusin e tyre si një nga çiftet më të komentuar të momentit.
