Një tjetër anëtare e familjes Lala ka humbur jetën, duke e çuar kështu në 9 numrin e viktimave nga kjo familje.
“Report Tv” mëson se ditën e shtunë, pas ceremonisë mortore që u përcollën në banesën e fundit tetë anëtarët e familjes, ndërroi jetë nga dhimbja për tragjedinë, Fiqirete Lala 64 vjeçe.
E moshuara ishte nusja e djalit të madh të Sahadete Lalës 79 vjeçe dhe nuk jetonte në vilën që u shemb nga tërmeti.
Në momentin që kishte marrë vesh që ishte shembur vila duke zënë brenda anëtarët e familjes, i kishte rënë infarkt nga dhimbja e madhe.
E moshuara u dërgua në spital dhe iu nënshtrua operacionit, por pas ceremonisë së varrimit të tetë anëtarëve të familjes që u zhvillua dje paradite, 64-vjeçarja ndërroi jetë.
Tetë anëtarët e familjes Lala që u shuan nga tërmeti tragjik:
- Amelia Lala 8 vjeç – Vila në Kënetë
- Sahadete Lala 79 vjeç – Vila tek Këneta (Gjyshja dhe mbesa)
- Griselda Lala- 22-vjeç – Vila tek Këneta
- Marjeta Lala 31 vjeç
- Emilio Lala
- Enis Lala 2 vjeç -binjakë në Vilën në Kënetë
- Dionisa Lala 2 vjeç -binjakë në Vilën në Kënetë
- Ilir Lala, 52 vjeç, i fundit qe u nxorr nga vila 4 kateshe ne kenete