Nëse jeni të pasionuar pas makinave apo iu pëlqen historia, atëherë duhet të kaloni sot patjetër nga Kryeministria.
Sepse dhjetëra makina shumë të rralla janë ekspozuar pikërisht në pjesën e jashtme të këtij institucioni.
Nisma quhet “RETRO” dhe na kthen të gjithëve pas në kohë, ndërsa duket sikur na sjell copëza të filmave që kemi parë.
Ju jo vetëm që mund t’i shikoni, por edhe të bëni foto në to, si një kujtim që nuk dihet se kur mund t’iu jepet mundësia sërish.
“RETRO lindi për të jetësuar një trashëgimi deri sot pa status dhe për të promovuar e ekspozuar sa më shumë mjete dhe kujtesë automotorizimi me interes historik, si dhe për të ofruar informacione, shërbime dhe lehtësira për këtë aktivitet pasionant me ndjeshmëri kaq të veçantë”, shkruhet në faqen zyrtare të kësaj nisme në Facebook.
