Shqipëria renditet e para ndër vendet e rajonit sa i përket respektimit të barazisë gjinore.
Forumi Ekonomik Botëror (WEF) ka publikuar raportin e hendekut gjinor 2020, një raport vjetor, i cili e rendit vendin tonë të 20-tin mes 153 shteteve.
Vendi ynë është ngritur me 14 pozicione krahasuar me renditjen e vitit të kaluar, ku renditeshim në vend të 34-t. Vitin paraardhës renditej e 38-ta dhe në 2006-ën e 61-ta.
Pra, të jesh femër në Shqipëri ke një nivel barazie me gjininë tjetër më shumë edhe se në vende si Belgjika, Australia, Portugalia, Shtetet e Bashkuara të Amerikës apo edhe Holanda.
Shqipëria lë shumë për të dëshiruar në indeksin e shëndetit dhe mbijetesës, dhe është ulur nga vendi i 134-tët në botë, në të 145-tin sot.
Renditja e dobët në këtë drejtim vjen për shkak të normës së pabarabartë në lindje, mes femrave dhe meshkujve.
Fakti që familjet shqiptare lindin më shumë meshkuj se femra, e vendos vendin tonë të 145-tin në botë, ndër 153 shtete.
Dje “iconstyle.al” publikoi raportin e Forumit Ekonomik Botëror, sipas të cilit femrave do t’ju duhet të presin më shumë se 250 vjet për të pasur barazi ekonomike (pra të paguhen njësoj si burrat) (lexo këtu).
/Tema
