Pasi Shqipëria e mbylli rrugëtimin e saj në “Euro2024”, zyrtarisht është dhe fundi i kontratës së trajnerit Sylvinho, me këtë të fundit që ende nuk ka rinovuar për 2 vite të tjera, edhe pse FSHF ia ka ofruar këtë mundësi në tavolinë.
Mediat spanjolle kanë raportuar që performanca që kanë patur djemtë e kombëtares përgjatë Euro2024, ka bërë që puna e trajnerit Sylvinho të tërheqë vëmendjen.
Sakaq, është mësuar se Estoril Praia është skuadra që po negocion për të bindur 50-vjeçarin.
Ekipi që e mbylli sezonin në vendin e 13 ka shprehur interes për Sylvinhon, madje ka gati dhe kushtet për të bindur ish-futbollistin e Barcelonës, Arsenalit e Manchester C-ityt. Në orët në vijim pritet të ketë një përgjigje përfundimtare nëse transferimi do të kryhet apo jo.
