Presidenti Donald Trump dhe Zonja e Parë, Melania Trump, e përfunduan ceremoninë inauguruese të premten, me një festë për forcat e armatosura.
Çifti presidencial mbërriti në Muzeun Kombëtar pak para orës 11 pasdite për të marrë pjesë në ballo ku kërcyen me ushtarakët dhe gratë e pranishme.
Më herët, presidenti i cili sapo ishte betuar, tha se tashmë fillon festa. Ndërsa Melania, në fjalën e saj të parë publike si Zonja e Parë, e veshur me një fustan të mrekullueshëm Hervé Pierre, tha se është e nderuar nga roli që i është besuar.
E nxitur nga fjalimi i bashkëshortit të saj, i cili foli përmes një video-konference me trupat në Bagram, baza ajrore në Afganistan, ajo u zotua: “Ne do të luftojmë. Ne do të fitojmë. Dhe ne do ta bëjmë Amerikën të madhe përsëri”.
Autokolona e presidentit arriti në Shtëpinë e Bardhë më 11:40pm, duke shënuar fundin e një dite spektakolare të ngjarjeve inauguruese.
Presidenti Trump, përshëndeti në mënyrë triumfuese përkrahësit dhe tha: “E pra, ia dolëm. Ne ia dolëm. Filluam këtë udhëtim dhe ata na thanë se, ne dhe unë, ne nuk kemi shans, por ne e dinim që do të fitonim dhe fituam”.
Çifti presidencial bëri një hyrje elegante në ballon që u mbajt në Qendrën e Konventës në Uashington, për të bërë vallëzimin e parë si POTUS dhe FLOTUS nën melodinë e këngës “My Way”, gjatë së cilës shkëmbyen dhe një puthje.
Edhe vajza e presidentit, Ivanka Trump dukej e mrekullueshme në krah të bashkëshortit Jared Kushner, e veshur me një fustan Carolina Herrera.
*Shfleto galerinë
