Cara Delevingne dhe St. Vincent raportohet se janë ndarë pas një vit e gjysmë së bashku. “The Sun” raporton se marrëdhënia e supermodeles me këngëtaren, emri i vërtetë i së cilës është Annie Clark, nisi grindjet një muaj më parë kur lidhja e tyre në distancë ishte e “tepërt”.
“Cara dhe Annie ende kujdesen për njëra-tjetrën, por presioni i romancës në distancë ishte e tepërt. Debatet nisën të dilnin në ditëlindjen e Cara-s në gusht, kur Annie nuk ndodhej atje për festën e saj”, tha burimi për gazetën.
“Në vend të kësaj postoi një mesazh ditëlindjeje në “Instagram”. Ato shpresojnë që gjërat të funksionojnë, pasi e duan njëra-tjetrën. Por momentalisht Cara është tërhequr nga festa”, shtoi burimi.
Ndarja vjen tre ditë pasi Cara postoi në “Instagram”-in e saj shprehjen: “Nuk mund të jetosh një jetë pozitive me një mendje negative”. Asnjëra prej tyre nuk ka bërë ende një koment për ndarjen.
Burimi: Harper’s Bazaar
