Përgatiti: Alda Hasani, Eksperte e produkteve kozmetike dhe lëkurës. Shkenca dhe Teknologji Farmaceutike.
Lëkura është organi më i madh dhe më i gjërë i trupit tonë, ku bukuria dhe mirëmbajtja e saj janë shumë të rëndësishme. Çdo gjë e kuruar mirë, pëlqehet. “Bukuria do shpëtojë botën”- thoshte filozofi grek Aristoteli. Po të mendosh se bukuria e lëkurës dhe parandalimi i shfaqes së rrudhave dhe i plakjes së lëkurës, nuk varet vetëm nga tipologjia e kremërave që përdorim apo nga dermatologjia kozmetike estetike. Ajo ka të bëjë me thellësinë shpirtërore dhe mënyrën sesi jetojmë. Shpeshherë ne harrojmë se lëkura është pasqyra jonë e brendshme dhe reflektimi i mirëqenies së organizmit tone. Shpesh harrojmë se të kesh një lëkurë të bukur e të shëndetëshme, është kartëvizita jonë e parë përballë botës që na rrethon. Si mund të zgjedhim një stil jetese për të luftuar rrudhat. Përveç produkteve kozmetike dhe trajtimeve që pa diskutim janë shumë të rëndësishme, ka mënyra të tjera që të gjithë ne i dimë, por duhet të vendosim që t’i zbatojmë në të përditshmen tonë. Duhet të ndërgjegjësohemi dhe të vendosim disa objektiva:
7 Rregullat e arta
- Evitoni cigaren- Përmison të ushqyerit dhe metabolizmin.
- Evitoni pijet superalkolike- Zëvendësojini ato me një gotë verë të kuqe, 1 në ditë. Preferohet pasi është një nga më të pasurat me antioksidantë. P.sh: “Resveratroli” redukton kështu formimin e pikave të zeza.
- Dy litra ujë në ditë – Duhet të pimë deri në 2 litra në ditë, por kjo varet dhe nga pesha. Një gotë ujë me limon në mëngjes, si aleat kundër plakjes, falë përmbajtjes së antioksidantëve. Uji me limon është një sistem shumë i mirë për të parandaluar radikalet e lira, përgjegjës kryesor për plakjen e lëkurës dhe të trupit tonë.
- Ekspozohuni në diell me mbrojtje dhe moderim- Gjithmonë ekspozimi në diell duhet të jetë me mbrojtje 30 SPF ose 50 SPF, kjo varet nga fototipi që je. Ekspozimi në diell rrit sintetizimin e vitamines D, e domosdoshme për indet dhe kockat, por duhet bërë nën efektet mbrojtëse. Një prodhim i tepruar i radikaleve të lira në ekspozimin e diellit pa mbrojtje, ndikon negativisht mbi fibrat, si kolagjeni dhe elastina. Dëmtimet nga dielli çojnë në shfaqjen e rrudhave të vogla, hiperpigmentim dhe ndryshime në elasticitetin e lëkurës. Shtresa e sipërme e lëkurës apo epiderma hollohet ,lëkura çahet dhe ashpërsohet më lehtësisht. Lëkura ndihet e thatë për shkak se ajo është më pak e aftë për të mbajtur ujin. Një lëkurë e ekspozuar shumë në diell, ka një hiperaktivitet të melanociteve që çojnë në rritje të pigmentimit të lëkurës dhe në formimin e njollave ngjyrë kafe, lentigo dhe formimin e njollave të bardha.
- Dieta- Duhet të kemi një stil jetese të shëndetshëm. Dieta jonë duhet të jetë e pasur me proteina, kryesisht mishi të bardhë, proteinat që derivojnë nga bulmeti dhe burimet shtazore, si veza që janë gjithmonë të ekuilibruara me sasinë e nevojshme ditore. Ushqimet si mish i kuq, bulmeti dhe kryesisht djathi, janë shumë të pasura në yndyrë të ngopur e cila duhet të jetë sa më e limituar në dozat e saj. Karbohidratet janë të nevojshme, por ato të rafinuara si buka, makaronat, brumërat, në përgjithësi këshillohet që të merren në pjesën e parë të ditës dhe të mos konsumohen pas ores 18:00. Preferohen karbohidratet që derivojnë nga frutat dhe perimet të cilat mund t’i konsumojmë nga 5 deri 8 të tilla në ditë. Këshillohet të hamë 5 vakte në ditë, kështu mund të mbajmë gliceminë dhe nivelin e insulinës konstant që çon në plakje të lëkurës. Frutat duhen të hahen të paktën 2 orë larg vakteve kryesore pasi ngadalësojnë tretjen.
- Aktivitet fizik- Duhet patjetër të bëjmë aktivitet fizik, të ecim për të paktën 30 minuta çdo ditë, të vrapojmë kur është e mundur, mund të lëvizim me biçikletë ashtu siç unë bëj zakonisht ose aerobi, zumba, të gjitha këto derisa të arrijmë në pikën që të djersisim. Ecja, në mënyrë të veçantw prodhon melatoninë e cila ndihmon në rregullimin e gjumit dhe na fal një ndjesi mirëqenieje. Në këtë mënyrë ne rrisim oksigjenimin e indeve dhe organeve, duke ulur kështu gliceminë dhe nivelin e insulinës. Ndonjë efekt tjetër pozitiv???? Duke u bashkangjitur me pikën 4, dieta favorizon dobësimin në mënyrë të shëndetshme.
- Relaksohuni duke medituar ose duke i dedikuar kohë vetes.- Mund ta bëni qoftë edhe vetëm për 15 minuta në ditë. Stresi dhe ankthi i një jete frenetike si kjo e kohërave moderne, të çon në një rritje kronike të nivelit të kortizolit, hormonit të stresit. Pra duhet të ulim stresin e përditshëm që përjetojmë në mënyrë jokoshiente me teknikat e meditimit, si joga, ecja në natyrë, leximi në darkë ose mënyra të tjera relaksi që i ulin efektet negative dhe stimulojnë betaendrofinën, hormonin e lumturisë. çdo gjë është çështje ekuilibri! Ti je personi që duhet të vendosësh rregullat e jetës tënde!
www.biovita.al
