iconstyle.al > Modë > Icon Stil > Stil blogereje: Si të veshësh kominoshet më “In” të sezonit, sipas Irida Lubanit

Stil blogereje: Si të veshësh kominoshet më “In” të sezonit, sipas Irida Lubanit

Ashtu si natyra, me ndërrimin e stinëve nis të ndërrojë dhe garderoba. Dhe nëse ka diçka që ulëret “garderobë pranverore”, është padyshim printi me lule. Tashmë lulet i shohim kudo, në këpucë, në çanta e sidomos në fustane. Por nëse nuk jeni tipi i fustaneve floreale, atëherë kemi vetëm një fjalë për ju: Kominoshe!

Kominoshet me print lulesh janë një prej trendeve më të pranishëm të këtij sezoni dhe këtë javë, do të jetë vetë stilistja Irida Lubani ajo e cila do të na tregojë se si të bëjmë kombinimet më të bukura të momentit me kominoshet e krijuara nga vetë ajo.

Kombinimi 1

Për një pamje super chic, kominoshet të kombinuara me këpucë me taka të larta janë thjesht perfekte. Irida ka zgjedhur një palë sandale kadife në të njëjtin tonalitet me bazën e kominosheve, ndërkohë që krijon kontrastin e duhur me një çantë dore të gjelbër.

Look-u plotësohet me një palë vathjë të veçantë dhe siç dallohet qartë, secili aksesor sjell një ngjyrë të paletës që ofron veshja.

Kombinimi 2

Nëse takat e larta nuk janë pika juaj e fortë, mos ngurroni që kominoshet t’i vishni me shapkat e sheshta, të cilat vijojnë të jenë në modë.

Irida ka zgjedhur versionin me pelush dhe ka sjellë dhe  një tjetër trend të momentit: Çantën e kashtës. Për t’i dhënë edhe më shumë stil look-ut tuaj, shtoni dhe një kapele stil Panama.

Kombinimi 3

Nëse ende nuk keni guxuar me miksimin e printeve, atëherë ky është momenti. Mos ngurroni që kominoshet tuaja me lule t’i kombinoni me një palë sandale gjithashtu me lule, si një fashionista e vërtetë.

Kominoshet zakonisht vijnë me një lidhëse në pjesën e belit, por kjo s’do të thotë që ju nuk mund ta ndërroni atë me diçka më interesante si një rrip mesi në një ngjyrë kontrastueese. Dhe në vend të një çante të zakonshme, mund të mbani në dorë një pochette transparente tepër chic.

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.