Plot 1000 forca policie do të vendosen pranë Kryeministrisë dhe institucioneve përgjatë Bulevardit, për tubimin e presidentit Ilir Meta që do në nisë në orën 17:00 deri në orën 19:00.
Njësoj si në protestat e tjera, punonjësit e rendit, forcat shqiponja dhe FNSH do të jenë të angazhuara.
Po ashtu ekipet e policisë do të jenë në gatishmëri nga Ministria e Brendshme deri në sheshin “Nënë Tereza”.
Meta ka bërë thirrje për një tubim paqësor me “mimoza dhe flamuj kombëtarë me vete”.
Kufizime për qarkullimin rrugor do të ketë në bulevardin “Dëshmorët e kombit” dhe në rrugët lidhëse me të.
Autobusët nuk do të lejohen të futen në qytet. Ata që vijnë nga pjesa veriore do të parkohen te stadiumi “Asllan Rusi”, ndërsa nga ana jugore te Fakulteti Ekonomik.
