Mëngjesin e së martës, mbi 27 mijë maturantë do të përballen me provimin e parë të maturës, atë në gjuhën e huaj.
Në përpjekje për të parandaluar çdo tentativë përdorimi të pajisjeve elektronike gjatë testimit, institucionet arsimore kanë marrë masa të rrepta, duke përdorur bllokues valësh për çdo lloj pajisjeje digjitale. Nxënësit duhet të paraqiten në vendin e provimit një orë e 30 minuta para fillimit në orën 10:00, duke sjellë vetëm kartën e identitetit dhe stilolapsin.
Pas këtij testi, maturantët do të kalojnë në provimin e gjuhës shqipe dhe letërsisë, më 17 qershor, ndërsa më 24 qershor do të zhvillojnë provimin e fundit të matematikës me zgjedhje.
I urojmë të gjithë maturantëve shumë sukses në këtë etapë të rëndësishme!
