2 vite më parë grupi i njohur, Babastars hodhi në treg këngën me titull “High 4 real”.
Në atë koha kënga bëri namin dhe dëgjohej në çdo makinë apo lokal të mundshëm.
Tani ajo numëron 9.2 milion klikime dhe ka ende njerëz që e dëgjojnë.
Në klipin e këngës anëtarët e grupit tregojnë jetën prej gangsteri dhe në disa pjesë shfaqen me maska me ngjyra.
Kjo pjesë e klipit, ngjan shumë me atë të reperit me famë botërore Travis Scott.
Ish i dashuri i Kylie Jenner dy muaj më parë hodhi në treg hitin e tij “Highest in the Room” dhe në klipin e këngës vihen re ngjashmëritë.
Në një pjesë të klipit Travis shfaqet në një dhomë i rrethuar me njerëz që mbajnë po të njëjtat maska në po të njëjtën ngjyrë.
Këtë ngjashmëri e ka vënë re Getoar Selimi, i cili ka postuar në Instastory pjesë nga kënga ku nënvizon datat e publikimit të këngëve.
Hmmm, Travis presim që të reagosh, ashtu siç bëri edhe Tyga pasi “kopjoi” Capital T.
