Një ngjarje skandaloze është filmuar në ambientet e shkollës “Lidhja e Prizrenit”, në Deçan të Kosovës, ku një mësues shfaqet duke puthur në buzë një nxënëse 12-vjeçare.
Mësuesi quhet Valentin Selmanaj dhe është mësimdhënës në lëndën e edukimit fizik, ndërsa nxënësja është vetëm 12-vjeçe dhe është në klasën e shtatë. Video e filmuar nga nxënësit e shkollës, tregoi momentin kur mësuesi puth në buzë të miturën, veprim i cili pretendohet se është kryer me forcë ka sjellë për pasojë arrestimin e mësuesit pak orë më vonë.
Menjëherë pas ngjarjes policia ka arrestuar mësuesin
Ngjarja është denoncuar në policia nga një nxënës i shkollës që ka filmuar momentin, i cili denoncoi se mësuesi e kishte kërcënuar.
Gjatë fundjavës, mësuesi së bashku me kolegët e shkollës dhe nxënësit kanë qenë në ekskursion në Shqipëri. Ai thuhet se është arrestuar pasi është kthyer në Kosovë.
