Një video e rëndë e dhunës që ushtrohet ndaj një fëmije në një kopsht privat për fëmijë në Prishtinë, ka mbërritur në redaksinë e “iconstyle.al”.
Ngjarja dyshohet të ketë ndodhur dje në një prej kopshteve private në Prishtinë, ku një fëmijë i moshës 1 vjeç është keqtrajtuar nga edukatorja e tij.
Videoja e xhiruar në “Cambridge Kids” është marrë nga pamjet e sigurisë dhe në të shfaqet edukatorja e cila godet me shuplakë në faqe fëmijën 1-vjeçar.
Pranë shihet edhe një punonjëse tjetër e kopshtit e cila nuk reagon për këtë gjest, ndërsa më tutje një fëmijë që qan i tmerruar nga pamja që sheh.
Mediat e Kosovës njoftojnë se për këtë rast policia është njoftuar në orët e mbrëmjes nga prindi i fëmijës.
Kopshti për fëmijë “Cambridge Kids”, ndodhet në një lagje të re të njohur në periferi të Prishtinës, dhe është një ndër më të kushtueshmit sipas personit që dërgoi videon në “icosntyle.al”, por që dëshiron të mbetet anonim.
