Një studim nga Universiteti De Montfort dhe ai i Ulster-it ka zbuluar diçka që shumë prej nesh e kemi ndier, por s’e kemi ditur ta shpjegojmë: ata që rriten me motra janë më të lumtur dhe më optimistë.
Sipas studiuesve, motrat nxisin komunikimin e hapur, shprehjen e ndjenjave dhe lidhjen sociale – elementët më të rëndësishëm për një shëndet mendor të qëndrueshëm. Edhe kur grindemi, një motër është aty për të na bërë të reflektojmë, të tregojmë empati dhe të ndjejmë që nuk jemi kurrë vetëm.
Ndoshta nuk është perfekte, ndoshta s’ju bien gjithmonë mendimet njësoj, por prania e saj ndikon në mënyrën si përballon jetën. Qoftë një bisedë në darkë, një mbështetje e papritur apo një shpullë realiteti – motrat janë superfuqia që ndihmojnë të rritesh më i fortë dhe më pozitiv.
