Femrat janë ato që e vuajnë kodin e veshjes më tepër se sa meshkujt. Ato përballen me një hapësirë më të madhe për të gabuar dhe një listë të gjatë tabush gjatë intervistës së punës apo mbledhjet si: asnjë bizhuteri të tepruar, funde të shkurtër, parfum e kështu me radhë.
Menjëherë sapo fillon një punë të re ka gjithmonë një prirje për t’u përshtatur me kolegët. Ideja e të pasurit një punë shpesh ndikon tek femrat që t’i shmangen kodit “dress to impress”, pra vishu për të impresionuar. Nëse nuk ndiheni të frymëzuara nga veshjet e kolegëve, ndoshta do të donit të merrnit në konsideratë disa këshilla të përshtatshme që do t’ju ndihmojnë të bëni zgjedhje të ndryshme nga gardëroba çdo mëngjes:
Kush tha që printi i leopardit nuk vishet në punë. Një këmishë me një dekor ose print të lëkurës së kafshëve, si leopardi për shembull, është më se e përshtatshme për një punë zyre. Nuk është çudi që në një kohë kur diskutohet çfarë do të thotë të jesh një femër e pushtetshme, printi leopard ka zbritur nga pasarelat për t’u kthyer në një nga veshjet më trendi të vitit. Mund ta gjini këtu.
Mos harroni, është sezoni i materialit Velvet. Materiali Velvet ose i njohur ndryshe si kadife, është trendi më seksi i sezonit. Një fund velvet i Diane Von Furstenberg është lehtësisht i kombinueshëm me një pulovër të trashë dimri, të përshtatshme për temperaturat e ulëta.
Kush tha që xhaketat vishen vetëm për raste të veçanta? Xhaketat treçerekshe, ato të gjata deri mbi gju dhe të bollshme janë lehtësisht të kombinueshme me një fustan ose edhe pantallona. Stilistët më në zë dhe editorët e modës e duan shumë këtë trend xhaketash, veçanërisht me dekorl lulesh që mund ta gjeni duke klikuar këtu.
Shkëlqeni me këmishët me ngjyra të ndezura. Kombinimi i veshjeve me tonalitete dhe ngjyra të njëjta shpesh e bën paraqitjen tuaj monotonte. Kontrasti është ai që e thyen monotoninë dhe ju bën më të gjallë edhe në ambientin e punës. Filloni me një këmishë lejla me lidhje nga Michael Kors që është lehtësisht e kombinueshme me pantallona lëkure pak të gjera në fund (mund t’i blini këtu) apo me funde dhe taka të larta dhe na besoni, në punë do të thoni vetëm “Faleminderit për komlimenin”.
Veshjet “casual”, mund të përkthehen edhe në xhinse. Xhinset janë perfekte për fundjavat, por dhe të rehatshme në punë. Një palë xhinse që kanë prerje të drejtë dhe ngjyrë neutrale nuk të përjashtojnë nga një look profesional, por shfaqin anën tuaj praktike të të gatshme për punë. Këto xhinse të ngushta nga Michael Kors mund t’i blini këtu. ndërsa këmishën duke klikuar këtu.
Burimi: ICONstyle
