Si të parfumoheni në mënyrën e duhur

Parfumi është si “qershia mbi tortë”. Pa të nuk do të jeni asnjëherë e kompletuar. Por a po parfumoheni si duhet? Ndiqni këto rregulla të arta:

1.Aplikoni krem hidratues pa aromë para se të lyheni me parfum. Kjo do të bëjë që parfumi të qëndrojë më gjatë.

2.Ju doni që parfumet tuaja të zgjasin më shumë, pse jo? Ajo që duhet të bëni është t’i largoni parfumet nga tualeti apo nga vendet me lagështirë. Vendet e ngrohta do të ndikojnë negativisht në cilësinë e aromës së parfumit. Fare mirë mund t’i mbani parfumet në dhomën tuaj.

3.Parfumohuni menjëherë pas dushit para se të visheni. Lagështia në lëkurën tuaj do të bëjë që parfumi të qëndrojë më gjatë.

4.Mos fshini kyçet pasi i keni spërkatur me parfum.

5.Spërkatja e një aromë me bazë alkooli direkt mbi flokët tuaj do t’i dëmtojë.

6.Nëse doni të ndjeni aromën e një parfumi prisni deri sa të thahet.