Më në fund erdhi sezoni i plazhit dhe i rrezeve të diellit! Mbase i keni fituar tashmë rrezet e para ose akoma nuk e keni parë plazhin me sy, por para se ta bëni duhet të merrni parasysh dëmtimin që mund të pësojë lëkura në diell.
Pavarësisht kësaj e dimë se është i pashmangshëm ekspozimi në diell, por ajo që duhet të bëni është të shmangni dëmtimet afatgjata në lëkurën tuaj.
Ka një serë hapash që mund të merrni për të zbutur lëkurën dhe për të lehtësuar djegien nga dielli.
1.Bëni një banjë të shëndetshme
Pas një dite të gjatë në diell, gjëja e parë që ndoshta dëshironi të bëni është një dush. Por sapuni apo shkuma mund të thajnë dhe të irritojnë lëkurën e djegur nga dielli. Një banjë e ftohtë me ujë dhe sodë buke ndihmon në lehtësimin e inflamacionit dhe kruajtjes.
2.Hidratoni lëkurën
Pas dushit është e rëndësishme që lëkurën e djegur ta hidratoni me një krem trupi hidratues.
3.Hidratoni organizmin
Me siguri nga qëndrimi në diell me orë të zgjatura keni humbur edhe shumë ujë nga organizmi juaj. Por që të rifitoni sasinë e humbur duhet të ushqeheni me fruta dhe perime që përmbajnë shumë ujë.
4.Bëhuni kreativ me produkte ushqimore
Kosi dhe qumështi kanë efekt anti- inflamator, kështu që lyjini zonat e djegura me to dhe shumë shpejt do të shihni se lëkura juaj nuk do t’ju djegë më.
5.Kompresa me ujë të ftohtë
Opsioni më i mirë dhe i efektshëm për lëkurën që djeg nga dielli është përdorimi i ujit të ftohtë me akull. Hidhni ujë dhe akull në një tas, njomeni një leckë brenda dhe më pas vendoseni mbi djegien. Përsëriteni shpesh këtë proces, sa herë lecka ngrohet.
6.Rekomandimet mjekësore të thjeshta
Nëse të gjitha këto sa thamë më sipër nukpo ju bëjnë efekt, atëherë merrni parasysh edhe rekomandimet mjekësore.
-Hidrokortizon
Thith acarimin dhe inflamacionin e lëkurës.
-Aloe vera
Aloe vera mund të ndihmojë në shërimin e plagëve. Nëse keni një bimë aloe, thjesht thyeni një fletë dhe xhelin e tij vendoseni mbi lëkurën e acaruar.
7.Rezistojini dëshirës për të hequr lëkurën e djegur
Pavarësisht sikletit që ju krijon, mos e zhvishni lëkurën e djegur sepse rrezikoni infeksion.
8.Tregohuni të mençur
Mos bëni të njëjtin gabim dy herë. Pasi të jeni djegur nevojitet 3 deri në 6 muaj që lëkura juaj të kthehet në normale, lëkura e re e ekspozuar është më e ndjeshme se kurrë. Kjo do të thotë që ju do të digjeni edhe më shpejt se sa më parë nëse nuk jeni të kujdesshëm.
Jini të vetëdijshëm për ekspozimin tuaj në diell dhe mbrojeni veten me SPF 15 ose 30 të bëra me oksid zinku, dioksid titaniumi ose avobenzone, të cilat bllokojnë të dy rrezet ultravioletale A dhe B.
9.Konsultohuni me mjekun dermatolog
Disa djegie janë shumë të rënda për t’u trajtuar në shtëpi. Konsultohuni me mjekun nëse keni të përziera, dridhura, ethe, vuajtje, dobësi të përgjithshme, etj.
