Ju e dini atë ndjenjën: dikush hyn në sallë dhe direkt tërheq të gjithë njerëzit duke rrezatuar energji të mira! Janë ata njerëz që nuk ka rëndësi se të cilës fushë janë apo çfarë bëjnë në jetë; thjesht arrijnë të tërheqin gjithmonë të tjerë. Duhet të ekzistojë një sekret që i bën këta njerëz të rrezatojnë gjithmonë dhe “Forbes” së bashku me shumë prej trajnerëve personalë, kanë arritur në konkluzionin se ekzistojnë disa hapa që i bën këta njerëz më të mirë në çdo gjë. Përgatituni që të zbuloni sekretet e njerëzve që ju bëjnë për vete paçka situatës:
1. Ata i trajtojnë të gjithë me respekt.
Nuk ka rëndësi nëse je klienti më i mirë apo një kamarier i thjeshtë, njerëzit e parezistueshëm janë gjithmonë të sjellshëm më të gjithë. Ata kuptojnë se nuk ka rëndësi pozicioni i dikujt, nëse do respekt mund t’jua japësh këtë të gjithëve.
2. Ndjekin “Rregullin e Artë”
“Rregulli i Artë” thotë se të tjerët duhen trajtuar ashtu si ata do të donin të trajtoheshin, jo ashtu si ju dëshironi të trajtoheni. Ide e mire, pasi dikush dëshiron të jetë në qendër të vëmendjes e dikush tjetër jo.
3. Heqin dorë nga bisedat e vogla.
Nuk ka një rrugë për të ndaluar bisedat e vogla bezdisëse. Por kur një grup njerëzish fillojnë të flasin për tema të cilat nuk ju interesojnë, lehtësisht mund të largoheni me mirësjellje. Njerëzit tërheqës asnjëherë nuk zgjedhin të flasin për jetën e dikujt tjetër.
4. Njerëzit përreth e kanë vëmendjen e tyre plotësisht.
Gjithmonë janë të interesuar. Nëse dikush i flet për profesionin e tyre, njerëzit e parezistueshëm do të jenë aty për të dëgjuar me vëmendje. Ata nuk duan të dinë se sa shumë janë duke u pëlqyer nga turma, por ata fokusohen tek njerëzit që i rrethojnë si asnjë tjetër.
5. Nuk përpiqen më shumë se duhet.
Këta njerëz nuk dëshirojnë të zotërojnë bisedat me histori nga jeta e tyre për të treguar se sa të zgjuar dhe të suksseshëm janë. Nuk u intereson të mburren tek të tjerët. Nëse dikush përpiqet më shumë se duhet, do të ishte e kundërta e këtyre njerëzve.
6. Njohin ndryshimin midis faktit dhe opinionit.
Në debate të ndryshme nuk shfaqen të pasjellshëm, por thjesht dallojnë faktet nga mendimi subjektiv. Nuk kanë frikë të shprehin mendimet e tyre edhe nëse këto të fundit do të ishin të gabuara.
7. Gjejnë arsye përse ta duan jetën.
Njerëzit e tillë janë pozitivë dhe pasionantë. Nuk mërziten asnjëherë, sepse duket se për ta jeta është një aventurë gjigande nga e cila mund të përfitojnë çdo ditë e më shumë. Është kënaqësi të jesh pranë tyre dhe nuk bëhen asnjëherë të lodhshëm.
