Nuk keni si ta shtyni kohën në plazh? Ky grup turistësh të huajsh ju jep zgjidhjen ideale, ndërsa freskoheni në ujërat e detit. Pushuesit shijuan spektaklin në plazhin e Mali i Robit, nën drejtimin e një djali të ri një grup prej dhjetëra personash kanë ndjekur lëvizjet e tij nën tingujt e muzikës ritmike.
Të shumtë kanë qenë pushuesit shqiptarë që janë mbledhur për të parë kërcimin e tyre, apo që i janë bashkuar grupit energjik.
Mesa duket turistët përveç se janë argëtuar, kanë djegur edhe disa kalori, duke patur parasysh lëvizjet e tyre të shumta. Diçka ndryshe kjo që rrallë e shikojmë në bregdetet shqiptare, por do të na pëlqente të praktikohej më shpesh.
