- Pyesni veten se çfarë dëshironi vërtet!
Askush përveç jush nuk e di se çfarë do të dëshironte vërtet të bënte në jetë. Është e pakuptimtë të kërkoni tek individë të tjerë opinionin në lidhje me atë çka është më e mira për ju. Filloni bëjini vetes pyetje si: “Cilat janë gjërat që vërtet do të dëshiroja të nisja?” dhe “Cili është hapi i parë që do të më çonte atje ku dëshiroj?”.
- Provoni gjëra të reja duke u bazuar në përgjigjet që dhatë!
Pasi e kuptoni se ku do të mund të nisnit për të arritur të bënit atë çfarë dëshironi, eksperimentoni me atë që mendoni se do të mund të ishte zgjedhja më efiçente për ju. Duke eksperimentuar me të vërtet, do të mund të arrinit atje ku dëshironi me një ritëm të qetë.
- Informohuni për dëshirat që keni!
Sado e parealizueshme të duket, në kohët moderne ka një zgjidhje për çdo gjë. Dëshira juaj mund të ketë çelësin e arritjes shumë afër, po ju thjesht ju mungon informacioni për këtë. Informimi me ngjarjet apo veprimet e fundit që mund të bëhen për dëshirën tuaj, do t’ju çonin në zbulimin e asaj që dëshironi të jeni.
- Harroni titujt!
Titujt e vënë në ambientet e punës tentojnë t’ju bllokojnë horizontin e të menduarit. Nëse po kërkoni eksperienca të reja, bëni mirë të hiqni idenë që keni për të patur sa më shumë tituj dhe emra. Realisht ka kaq shumë njerëz që mund të jenë me tituj më të lartë se ju, por njëkohësisht shumë më pak kërkues.
- Listoni çfarë nuk doni të bëni!
Kjo gjë është po aq e rëndësishme sa edhe lista e gjërave që dëshironi të bëni. Ju bëjnë të përqëndroheni tek pjesët e punës që me të vërtet nuk do të donit të bënit dhe kështu i veçoni ato për të mos iu kthyer më.
- Listoni çfarë mendoni se detyroheni të bëni!
Përveç dëshirave të shumta, ju sigurisht do të keni edhe detyrime në profesionin tuaj të zgjedhur. Kështu një listë e tretë do të ishte pikërisht drejtuar detyrimeve që edhe pse nuk do të preferonit të bënit sërisht, do t’ju duhet t’u kushtonit kohë.
- Nëse gjithça do të ishte e mundur…
Po nëse gjithçka në botë do të ishte e mundur për ju, ku do të drejtoheshit menjëherë? Edhe kjo sipas studiuesve do të ishte një pyetje së cilës do t’i përgjigjeshit lidhur me atë që preferoni të bëni në jetë.
- Mendoni shumë dhe.. pak.
Jo domosdoshmërisht profesioni juaj duhet të jetë diçka ekstremisht sfiduese apo ndryshuese për jetën tuaj. Nëse vërtet dëshironi të ndryshoni botën, kjo do të ishte fantastike, por për momentin sigurohuni që zgjedhjet tuaja të jenë sa më realiste.
Nga Rea Lemnusha
