Aktori i njohur turk, Çağatay Ulusoy, ka treguar edhe një herë anën e tij të përkushtuar si partner, duke qenë pranë të dashurës së tij, Aslıhan Malbora, në një moment të rëndësishëm të karrierës së saj. Ulusoy u fotografua në prapaskenë gjatë premierës së shfaqjes teatrale “Eşyanın Tabiatı”, ku Aslıhan interpreton përkrah aktorit Mert Turak.
Sipas mediave turke, aktori ndodhej aty për ta mbështetur dhe inkurajuar partneren para daljes në skenë. Prania e tij nuk kaloi pa u vënë re nga të pranishmit dhe fansat, të cilët e përshëndetën gjestin si një shenjë dashurie dhe përkrahjeje të vërtetë.
Pas shfaqjes, Aslıhan dha një intervistë ku foli për marrëdhënien me Ulusoy dhe ndikimin e tij në karrierë. “Ai është gjithmonë aty për të më mbështetur. Diskutojmë shpesh për role dhe kjo më ndihmon shumë,” u shpreh aktorja.
E pyetur për ditëlindjen e Çağatayt, që u festua pak javë më parë, ajo shtoi se nuk pati ndonjë festë madhështore, vetëm pak pushim dhe momente të bukura.
Çifti, një ndër më të komentuarit në Turqi, ruajnë një profil të ulët në media, duke e mbajtur lidhjen e tyre private. Ndërkohë, Aslıhan po korr sukses në teatër, me vlerësime pozitive për rolin në “Eşyanın Tabiatı”.
E pyetur për ditëlindjen e Çağatayt, që u festua pak javë më parë, ajo shtoi se nuk pati ndonjë festë madhështore, vetëm pak pushim dhe momente të bukura.
