Romeo Veshaj dhe Heidi Baci, krijuan një romancë gjatë qëndrimit të tyre në shtëpinë e “BBV3”. Pas përfundimit të garës, ku të dy ishin finalistë, dyshja është parë pothuajse gjatë gjithë kohës në praninë e njëri-tjetrit dhe duket që janë duke e shijuar në maksimum romancën e tyre, ku këtë gjë e tregojnë më së miri postimet që ata publikojnë nëpër rrjete sociale.
Shumë ish-konkurrentë të “BBV3” dolën kundër dashurisë së Heidit dhe Romeos, ku një prej tyre ishte dhe Françeska Murati.
Asokohe ajo shprehej se Heidi dhe Romeo thjesht kishin një pëlqim për njëri-tjetrin, ishin dy persona toksik të cilët nuk kishin një dashuri të vërtetë.
Por çfare mendimi ka ajo sot? Së fundmi ajo ka zhvilluar një bisedë virtuale me ndjekësit e saj në Instagram, teksa një prej ndjekësve e ka pyetur nëse ajo ka ende komunikim me Romeon dhe Heidin dhe se cili është mendimi i saj tani për dyshen.
“Më bëhet qejfi për ta që e kanë gjetur njëri-tjetrin. Ku ka gjë më të bukur se dashuria? I uroj vetëm më të mirat bashk.“-shprehet ajo.
