Pas lajmeve se për shtrëngimin e vizave Shengen, Presidenti Meta ka reaguar sot, më mëngjes për murin që po i vendoset Shqipërisë nga Bashkimi Evropian. “Shkatërrimi brutal i Marrëveshjes së 5 Qershorit ishte vetëdemaskimi i “Rilindjes” si përfaqësuese e pakicës së pakicës apo thjesht oligarkisë dhe bandave. Populli shqiptar do të jetë në lartësinë që e kërkon ky moment historik për rrëzimin e murit kriminal të “Rilindjes” që është vendosur nga dje në rrugën e integrimit europian”, shkruan Ilir Meta në postimin e shpërndarë nën hashtagët “Shqipëria si Evropa” dhe “Shqipëria e para”.
Më tej Meta shkruan se “Ky mur do shembet nga tre milion shqiptarë në 25 Prill, por edhe më parë nëse është e domosdoshme”.
Duke nisur nga data 1 janar e vitit 2021 të gjithë shqiptarët që duan të udhëtojnë në vendet shengen do të përballen me një sistem të ri të vizave.
Programi i quajtur Etias, do të vihet në zbatim pas katër vitesh që u desh të zhvillohej dhe prek 60 vende të ndryshme të botës, përfshirë këtu edhe Shtetet e Bashkuara të Amerikës.
Shqiptarët do të duhet të plotësojnë një formular online, ku do të duhet të japin detaje për udhëtimin e tyre, ku përfshihen të dhënat për shëndetin dhe sigurinë, si psh të dhënat për rekordet kriminale.
Sistemi ETIAS, kërkon që të gjitha informacionet të jetë në besueshme, pasi çdo e dhënë në formular do të kontrollohet bazuar në të dhënat e databazës së Unionit Europian, Interpolit apo Europoli.
Aplikimi do të refuzohet dhe udhëtarët do të duhet që të riaplikojnë duke dhënë të dhënat e tyre të sakta, nëse ka pasaktësi.
Në fund të aplikimit të tyre qytetarët do të paguajnë një tarifë, nëpërmjet një karte krediti ose debiti.
Pas miratimit, sistemi kërkon që udhëtarët të kenë një kopje të formularit të miratuar, që më pas do të paraqitet pranë zyrave të emigracionit të vendeve Shengen.
Programi ETIAS, sqaron se ky autorizim është vetëm për qëllime biznesi dhe turizmi dhe nuk përshin udhëtimet për qëllime punësimi, pasi për këtë të fundit, udhëtarët aplikojnë për një tjetër vizë.
ETIAS, do të jetë e vlefshme për tre vite, ku mbajtësi i saj do të mund të qëndrojë në vendet Shengen 90 ditë, brenda një periudhe prej 6 muajsh.
/Gazeta Reforma/
