Një ngjarje e rëndë është regjistruar në Itali. 22-vjeçari Ali Hoxha u bë shkak i një aksidenti tragjik ku ndërroi jetë partnerja e tij dhe u plagos rëndë foshnja.
Sipas mediave italiane, Ali Hoxha rezultoi pozitiv në analizat për zbulimin e pranisë së alkoolit dhe drogës në gjak.
Mariagrazia Bedin humbi jetën pasi makina u kthye përmbys në Fondi.
Makina e drejtuar nga partneri i saj është përmbysur me sa duket nga pakujdesia e 22-vjeçarit.
Djali disa muajsh i çiftit gjithashtu u plagos rëndë dhe ndodhet në spitalin Bambino Gesù në Romë .
Në makinë ndodhej edhe partnerja e tij 24-vjeçare, djali i tyre pak muajsh, së bashku me motrën e tij.
Makina u përmbys disa herë duke shkaktuar vdekjen e menjëhershme të 24-vjeçares, ndërsa dy të tjerët nuk janë në gjendje kritike, por po marrin kujdes shëndetësor.
Sakaq, 22-vjeçari është vënë menjëherë në pranga nga uniformat blu.
