Gëzim Pollozani është shpallur “Oficer i Vitit” nga qyteti i Fort Worth në Teksas.
Pollozani është gjithashtu një nga drejtuesit e bordit në Qendrën Komunitare Kulturore Shqiptaro-Amerikane në Teksas.
Në ceremoninë e ndarjes së çmimeve ai u vizitua dhe u nderua me mirënjohje nga Policia Shqiptare e Republikës së Shqipërisë!
Kjo vizitë u realizua nga Z. Skënder Doda, ish-kolonel, tashmë Drejtor i Seksionit IPA Shqiptar/Shqiptar, dhe znj.Irena Elezi, zv/komisar në drejtorinë vendore të policisë Tiranë.
Të ftuarit u informuan për punën vullnetare, angazhimet dhe arritjet e komunitetit shqiptar në Dallas dhe Teksas gjatë 35 viteve nga Bruno Ceka (kryetar) dhe Zek Nokshiqi (nënkryetar).
Më 22 Mars të vitit 2018 , shqiptari nga Struga, u betua si Drejtor i Bordit të Shoqatës së Policëve në Fort Worth.
“Sot, Gezim Pollozani, Sekretari ynë i Qendrës Kulturore Shqiptaro-Amerikane u betua si Drejtor i Bordit të Shoqatës Policëve të Fort Worth. Çfarë arritje dhe nder është ta kemi atë si pjesë të komunitetit tonë te mrekullueshëm. Ne i deshirojmë atij të gjitha te mirat e fatit në detyrën e tij të re me shoqatën.”, njoftoi Albanian American Cultural Center of Texas.
Ai është dhe sekretari i këshillit të qendrës ‘Albanian American Cultural Center Of Texas’, qendër e cila bashkon shqiptarët e Texas.
