Trajneri Silvinjo ka vendosur: 27 emra do të përfaqësojnë Shqipërinë në dy sfida të nxehta të qershorit, ndaj Serbisë në Tiranë dhe Letonisë në transfertë, në kuadër të kualifikueseve për Kupën e Botës 2026. Në listë bien në sy rikthimet e disa emrave me peshë, përforcime me lojtarë të rinj, si dhe prania e “bomberëve” kuqezi që premtojnë spektakël në sulm.
Ndeshjet që na presin:
▪ 7 qershor, ora 20:45 – Shqipëri vs Serbi, Arena Kombëtare
▪ 10 qershor, ora 20:45 – Letoni vs Shqipëri, Skonto Stadium, Riga
Portierët: Strakosha, Kastrati, Sherri, Dajsinani
Mbrojtja: Hysaj, Balliu, Mitaj, Aliji, Kumbulla, Ismajli, Gjimshiti, Ajeti, Bajrami
Mesfusha: Ramadani, Shehu, Asllani, Laçi,
Pajaziti, N. Bajrami, Berisha, Hoxha
Sulmi: Muçi, Asani, Broja, Uzuni, Manaj, Daku
Kuqezinjtë synojnë të nisin fushatën me maksimumin e pikëve, veçanërisht në shtëpi ndaj Serbisë, ku jo vetëm renditja, por edhe krenaria kombëtare do jetë në lojë. Atmosfera pritet të jetë elektrizuese dhe mbështetja popullore, vendimtare.
