“Shqipëri, lind qeveria me më shumë gra në botë”, prestigjiozia italiane i dedikon artikull vendit tonë

“Shqipëri, lind qeveria me më shumë gra në botë” , kështu titullohet artikulli që prestigjiozia “Vanity Fair Italia” i ka dedikuar qeverisë së re të vendit tonë.

E formuar nga 70.6% gra, qeveria shqiptare bëhet qeveria me numrin më të lartë të grave në botë, e ndjekur nga Spanja, ku dy të tretat e ministrave janë gra dhe Finlanda (61%).

Megjithatë, qeveria e mëparshme e Ramës ishte gjithashtu një nga 14 qeveritë në botë me mbi 50% të posteve të mbajtura nga gratë.

Artikulli nga “Vanity Fair Italia”:

Një qeveri e formuar nga tre të katërtat gra.

Kryeministri dhe lideri socialist shqiptar Edi Rama, pas zgjedhjeve të 25 prillit, donte të jepte një sinjal të prekshëm ndryshimi, duke emëruar 12 gra ministre (të cilave u janë besuar departamente shumë të rëndësishme, pikërisht ndërkohë që Shqipëria – konservatore dhe pjesërisht myslimane – kërkon të përshpejtojë hyrjen në Bashkimin Evropian) dhe 4 ministra meshkuj.

Në qeverinë e re, të njohur si “Rama 3”:

Punët e Jashtme tani janë në duart e Olta Xhaçkës, Financat në duar të Delina Ibrahimajt, për Bujqësinë Frida Krifca, për Kulturën Elva Margariti, për Infrastrukturën Belinda Balluku, për Turizmin Mirela Kumbaro, për Arsimin Evis Kushi, për Shëndetësinë Ogerta Manastirliu. Ndër meshkujt e propozuar, Arben Ahmetaj është Zëvendëskryeministër, Bledi Cuci për punët e Brendshme, në Drejtësi është Ulsi Manja dhe Niko Peleshi ministër i Mbrojtjes.

4 ministra shteti janë:

Elisa Spiropali, Ministre për Marrëdhëniet me Parlamentin; Edona Bilali, Ministre për Mbrojtjen e Sipërmarrjes; Bora Muzhaqi, Ministre për Rininë dhe Fëmijët; Milva Ikonomi, Ministre për Standardet dhe Shërbimet.

E formuar nga 70.6% gra, qeveria shqiptare bëhet qeveria me numrin më të lartë të grave në botë, e ndjekur nga Spanja, ku dy të tretat e ministrave janë gra dhe Finlanda (61%). Megjithatë, qeveria e mëparshme e Ramës ishte gjithashtu një nga 14 qeveritë në botë me mbi 50% të posteve të mbajtura nga gratë.

Rama u përball me akuza rreth suksesit në zgjedhje, por në fjalën e tij, kryeministri mbrojti fitoren elektorale si legjitime dhe tha se një problem i rëndësishëm i politikës shqiptare mbetet ndarja e vendeve të punës në sektorin publik tek anëtarët e partisë në pushtet dhe të afërmve të tyre.

- Advertisement -