Të paktën 2 persona kanë humbur jetën dhe 15 të tjerë janë plagosur nga shpërthimi i një karburanti rreth orës 2.30, në rrugën Salaria, Reatino në Itali.
Fillimisht shpërtheu cisterna e parë, e ndërsa zjarrëfikësit po përpiqnin të shuanin flakët, erdhi edhe shpërthimi i dytë më i fuqishëm. Mësohet se mes të lënduarve, janë edhe 7 zjarrëfikës, të cilët kishin mbërritur për të luftuar me flakët.
Nga flakët, u prekën edhe personat e tjerë që ndodheshin pranë karburantit. Në vendin e ngjarjes kanë mbërritur automjete të shumta shpëtimi, që po përpiqen të qetësojnë situatën.
