Një ngjarje e rëndë është shënuar këtë fundjavë që shkoi në lumin e Valbonës, pasi një 12-vjeçar ka humbur jetën.
Policia bën me dijë se i mituri me inicialet J.D., kishte shkuar për të peshkuar. Dyshohet se 12-vjeçari ka rënë aksidentalisht në lumë, e ndërsa trupi i tij u gjet në shtratin e Valbonës.
“Forcat e Policisë të Komisariatit të Policisë Tropojë së bashku me familjarët dhe banorët e fshatit, kanë vijuar kërkimet për gjetjen e të miturit, ku sot në orët e para të mëngjesit është bërë e mundur gjetja e trupit të pajetë të të miturit, në shtratin e lumit Valbonë, në vendin e quajtur Ura e Dragobisë”, njoftoi policia.
Ky është rasti i dytë i mbytjes që raportohet këtë të hënë, pas atij në qytetin e Sarandës ku gjeti vdekjen një 55-vjeçar.
