Një banesë dy katëshe, në pronësi të 51-vjeçarit me inciale L. T., është përfshirë nga flakët mbrëmjen e djeshme (e martë) në qytetin e Shkodrës.
Për fat të keq, flakët janë përhapur më pas edhe në tri banesa të tjera ngjitur me të, njëra prej tyre e pabanuar.
Sakaq shkaqet e zjarrit mbeten ende mister por policia po punon për zbardhje të mëtejshme të ngjarjes.
“Rreth orës 00:55, në lagjen “Skënderbeg”, ka rënë zjarr në një banesë dykatëshe në pronësi të shtetasit L .T., 51 vjeç. Si pasojë janë përfshirë nga zjarri edhe tri banesa të tjera ngjitur me të, në pronësi të shtetasve T. K., L. K. dhe një banesë e pabanuar”, thuhet në njoftimin e policisë.
