Kemi frikë të shihemi në sy, pasi është ajo që lidh njerëzit më shumë duke thyer muret që shpesh vendosim për t’u mbrojtur nga lëndimet.
Shikimi në sy duhet rikthyer në përdorim si një art i veçantë. Shkrimtarja e “Elite Daily”, thotë se ka preferuar më shumë të kalojë kohë duke u parë me partnerin e saj në sy, sesa duke qenë në shtrat me të. Përfundimisht sensual dhe magjepsës, ky art i të parit në sy. Nuk do të kishte një shpjegim shkencor për këtë veprim, aq sa do të kishte një shpjegim spiritual që thotë se shikimi në sy, i bën njerëzit të duken misteriozë dhe kjo çon në tërheqje seksuale.
Imagjinoni një club ku papritur dritat ndizen dhe ju arrini të gjeni ‘atë të duhurin’ në sallë vetëm me anë të shikimit. Loja do të fillonte në mënyrë më të veçantë dhe mbrëmja juaj do të mbahej mend. Jemi konsumuar nga celularët, laptopët, selfie-t, aplikacionet dhe gjithçka tjetër vezulluese që na shpërqëndron duke harruar se fuqia e vërtetë ndodhet brenda nesh. Thonë se shikimi në sy nuk është për këtë brez interneti, por do e luftoja këtë, duke thënë se sigurisht që ky është një lloj arti që nuk do të zhdukej aq thjeshtë.
Shikimi në sy është primar.
Edhe nëse deri tani keni patur frikë nga lidhjet reale duke u përqëndruar në botën tuaj virtuale, uleni celularin dhe hidhni sytë përreth për shikimin e shumëpritur. Deri diku është e drejtë të ‘vetëmbrohemi’ duke shmangur këto shikime, por të mos harrojmë se ndërsa fitojmë siguri, humbasim eksperienca që mund të ishin kthyer në çaste të paharrueshme.
Shikimi në sy ka funksionuar dikur.
Imagjinoni një botë ku nuk ka rrjete sociale, ku ai/ajo mund t’ju gjejë dhe të fillojë biseda të pakuptimta, një botë ku në një bar duke shijuar kafenë tuaj nuk ka mundësi të tjera se si të merrni vëmendjen e dikujt, përvçse të përdorni shikimin në sy. Epo, kjo botë ka funksionuar dikur dhe jemi të sigurtë se nëse e provojmë, do të funksiononte sërisht duke rikthyer magji të humbura.
Shikimi në sy ju jep fuqi.
Të tregohemi të sinqertë, kush nuk do të ndihej mirë kur është i vështruar sy në sy nga dikush (sigurisht jo në mënyrë të frikshme). Do të kishit fuqinë të vështronit brenda një njeriu që ende nuk njihni dhe kështu vetëbesimi juaj do të arrinte tjetër nivel.
Në fund të ditës( le ta pranojmë), shikimi sy në sy na çmend të gjithëve.
