Pas sherrit të dhunshëm në derbin Tirana-Partizani, Klubi i Tiranës ka pezulluar drejtorin e stadiumit “Selman Stërmasi” Ksenofon Haskoçela.
Incidentet e ndodhura të dielën në mbrëmje në stadium, ku tifozët u përplasën mes tyre, ka bërë që KF Tirana të reagojë menjëherë.
Dje Klubi i Futbollit Tirana lëshoi një deklaratë përmes së cilës shprehej se është distancuar nga aktet e dhunës së tifozerisë së saj, apo ato që i quante “shfaqje të shëmtuara” në ndeshjen me Partizanin.
Në një njoftim zyrtar, klubi shprehej se ka vënë në dispozicion të policisë, serverat e sistemit të kamerave të stadiumit, për të gjetur dhe dënuar më pas, përgjegjësit e incidenteve në stadium.
