Një tjetër konflikt mes gjimnazistëve është regjistruar ditën e sotme në Fier. Rreth orës 08:30 në ambientet e shkollës së mesme Cakran, gjatë një konflikti të çastit mes dy nxënësve, njëri prej tyre B. D.,17 vjeç, ka goditur me mjet prerës në krah bashkëmoshatarin shtetasin Y. Xh.
I plagosuri Y. Xh., u transportua në spitalin Rajonal Fier, për ndihmë mjekësore dhe ndodhet jashtë rrezikut për jetën.
Ndërkohë shërbimet e Policisë kanë kapur dhe shoqëruar në Komisariat autorin, si dhe kanë sekuestruar në cilësinë e provës materiale mjetin prerës thikë. Sakaq, shkaqet e konfliktit ende janë të paqarta, por grupi hetimor po punon për zbardhje të plotë të ngjarjes.
