Shënohet viktima e 9 nga koronavirusi në Shqipëri: Ndërron jetë 52-vjeçarja

Është shënuar viktima e 9 nga koronavirusi në Shqipëri.

Ministria e Shëndetësisë bën me dije se bëhet fjalë për një 52-vjeçare e cila ishte e shtruar prej katër ditësh në spitalin infektiv në QSUT.

Lexo edhe :

Filmi “Odisea” i Christopher Nolan rikthen Homerin në modë, shitjet e librave rriten me 1.400% dhe Shqipëria bëhet pjesë e historisë

12:35 30/07/26

“Çdo ditë zgjohesha me frikë”/ Nara Smith rrëfen ankthin e fshehjes së diagnozës së kancerit të vajzës: Kisha tmerr se do të zbulohej në internet

22:11 29/07/26

Dy ditët e fundit gjendja e saj ishte rënduar dhe po trajtohej në terapi intensive. Pavarësisht përpjekjeve të stafit mjekësor, pacientja që vuante nga hipertensioni, nuk arriti të mbijetojë, sipas njoftimit të ministrisë.

“Ministria e Shëndetësisë i shpreh ngushëllimet familjes së të ndjerit dhe apelon qytetarët të respektojnë me shumë rigorozitet rregullat e izolimit dhe distancimit social si dhe të telefonojnë urgjencën kombëtare në numrin 127 në rast se kanë shenja të sëmundjes”.

52-vjeçarja është viktima e nëntë nga COVID-19 në Shqipëri. Më herët gjatë ditës, ndërroi jetë një 66-vjeçar i cili po trajtohej prej dy ditësh në spitalin infektiv në QSUT.

Viktima, nga qyteti i Fierit, vuante nga sëmundje kronike pulmonare, hipertension, hemorragji gastro-intestinale.

/Iconstyle.al