Në një kohë ku takimet ndodhin më shumë në DMs sesa në kafe, dhe lidhjet zgjasin aq sa një story 24-orëshe, disa sinjale janë më të qarta se kurrë. Ja disa “shenja të vogla” që tregojnë se personi përballë (ose përballë ekranit) absolutisht nuk është gati për lidhje:
Ja disa nga shenjat më klasike:
•Ti i shkruan “mirëmëngjes” dhe ai të kthen: “Uau, tani po bëhemi me përshëndetje çdo ditë?”
•Ti e pyet: “Ça po bën?” dhe ai të thotë: “Si shumë pyetje po bën…”
•Fjalën “lidhje” e shmang me çdo kusht: “po flasim”, “po njihemi”, “po e shijojmë momentin”… çdo gjë, përveç asaj që ti pret të dëgjosh.
•Story-t e tua i sheh gjithmonë, por kur del me ty – nuk poston asgjë. Madje ndonjëherë i mban edhe story-t private vetëm për disa “lucky viewers”.
•Like-on postimet e ish-it, por harron të të kthejë ty një “seen”. Dhe kur i thua: “Ku ishe dje?”, përgjigjja është “s’jam tipi që jep llogari”.
Nëse ndihesh sikur po lexon historinë tënde… e pra, është momenti të kuptosh që ndoshta nuk është faji yt. Disa njerëz thjesht nuk janë gati – dhe nuk kanë guximin ta thonë hapur.
